ஸ்டஃப்டு குடை மிளகாய்

என்னென்ன தேவை?

குடை மிளகாய் – 2,
உருளைக்கிழங்கு (மசித்தது) – 3,
வெங்காயம் – 3, தக்காளி – 2,
கொத்தமல்லி, மஞ்சள் தூள், உப்பு, மிளகாய் தூள்,
கரம் மசாலா தூள் – தேவைக்கு,
எண்ணெய் – தேவையான அளவு.

எப்படிச் செய்வது?

குடை மிளகாயை விதை நீக்கி எண்ணெயில் வதக்கி தனியாக எடுத்து வைத்துக் கொள்ளவும். அதே கடாயில் வெங்காயத்தை சேர்த்து வதக்கவும். வதங்கியவுடன் அதில் தக்காளி, வேக வைத்து மசித்த உருளைக்கிழங்கை சேர்த்து வதக்கவும். அத்துடன் உப்பு, மஞ்சள் தூள், மிளகாய் தூள், கரம் மசாலா தூள் சேர்த்து நன்கு வதக்கவும். இந்தக் கலவையை வதக்கிய குடை மிளகாய்க்குள் வைத்து ஸ்டஃப் செய்யவும். கடைசியில் கொத்தமல்லி சேர்த்து அலங்கரிக்கவும்.