தேவையான பொருட்கள்:
* கோதுமை மாவு – 1 கப்
* மாம்பழ கூழ் – 1/4 கப்
* ஏலக்காய் பொடி – 1/4 டீஸ்பூன்
* உப்பு – சுவைக்கேற்ப
* தண்ணீர் – தேவையான அளவு
செய்முறை:
* முதலில் ஒரு பாத்திரத்தில் கோதுமை மாவு, மாம்பழ கூழ், ஏலக்காய் பொடி மற்றும் உப்பு ஆகியவற்றை சேர்த்துக் கொள்ள வேண்டும்.
* பின் விரல்களால் மெதுவாக கிளறி, கொஞ்சம் கொஞ்சமாக நீரை ஊற்றி பூரி மாவு பதத்திற்கு பிசைந்து, குறைந்தது 15 நிமிடம் ஊற வைக்க வேண்டும்.
* பின்பு பிசைந்த மாவை சிறு உருண்டைகளாக உருட்டிக் கொள்ள வேண்டும்.
Mango Poori Recipe In Tamil
* பிறகு ஒரு உருண்டையை எடுத்து பூரி அளவில் தேய்த்துக் கொள்ள வேண்டும். இதேப் போன்று அனைத்து உருண்டைகளையும் தேய்த்துக் கொள்ள வேண்டும்.
* அடுத்து ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி சூடேற்ற வேண்டும்.
* எண்ணெய் சூடானதும், தேய்த்ததை ஒவ்வொன்றாக போட்டு பொரித்து எடுத்தால், மாம்பழ பூரி தயார்.
குறிப்பு:
* உங்களுக்கு பூரி இனிப்பாக வேண்டுமானால், 2 டீஸ்பூன் சர்க்கரை சேர்த்துக் கொள்ளுங்கள். ஆனால் இதற்கு மேல் சேர்க்காதீர்கள். இல்லாவிட்டால் பூரி எளிதில் கருகிவிடும்.
* மாம்பழ கூழ் சேர்ப்பதால் வழக்கத்தை விட வேகமாக பூரி வெந்துவிடும். எனவே சற்று கவனமாக இருங்கள்.
