குழந்தைகளுக்கு சாக்லேட் லாலிபாப் மிகவும் பிடிக்கும். கிவி பழத்தை கொண்டு சாக்லேட் லாலிபாப் செய்வது எப்படி என்று பார்க்கலாம்.
குழந்தைகளுக்கு விருப்பமான கிவி சாக்லேட் லாலி பாப்
தேவையான பொருட்கள் :
கிவி பழம்
டார்க் சாக்லேட்,
தேங்காய் எண்ணெய்,
ஐஸ்கிரீம் குச்சிகள்.
இது அனைத்தும் நீங்கள் எவ்வளவு செய்ய விரும்புகிறீர்களோ அந்த அளவுக்கு எடுத்துக் கொள்ள வேண்டும்.
செய்முறை :
* கிவி பழத்தை தோல் நீக்கி வட்டமாக ( சற்று தடிமனாக ) வெட்டி எடுத்து கொள்ள வேண்டும். 
* வெட்டிய கிவி பழத்தின் நடுவில் ஐஸ்கிரீம் குச்சிகளை குத்திவிட வேண்டும்.
* ஒரு பாத்திரத்தில் சிறிதளவு தண்ணீர் ஊற்றி கொதிக்கும் போது மற்றொரு அடிகனமான பாத்திரத்தில் டார்க் சாக்லேட்டை போட்டு கொதிக்கும் பாத்திரத்தில் வைத்து சாக்லேட் கரையும் வரை சூடு செய்ய வேண்டும்.
* சாக்லேட் நன்றாக கரைந்தவுடன் அந்த கிவி பழங்களை சாக்லேட் முழுவதும் நன்றாக படும் படி செய்யவும்.
* பின்னர் அதனை குளிர்சாதன பெட்டியில் 1 மணிநேரம் நேரம் வைக்க வேண்டும்.
* பின் எடுத்து சாப்பிட்டால் சுவையான கிவி சாக்லேட் லாலி பாப் ரெடி.
