தேவையான பொருட்கள்:
* எண்ணெய் – 1/4 கப்
* வெங்காய வடகம் – 6 (விருப்பமிருந்தால்)
* சின்ன வெங்காயம் – 20 (தோலுரித்தது)
* புளிச்சாறு – 4 டேபிள் ஸ்பூன்
* தண்ணீர் – தேவையான அளவு
* உப்பு – சுவைக்கேற்ப
* சர்க்கரை/வெல்லம் – 1 டீஸ்பூன்
வறுத்து அரைப்பதற்கு…
* எண்ணெய் – 1 டீஸ்பூன்
* வரமிளகாய் – 6-8
* மல்லி – 3 டேபிள் ஸ்பூன்
* உளுத்தம் பருப்பு – 2 டேபிள் ஸ்பூன்
* துவரம் பருப்பு – 2 டேபிள் ஸ்பூன்
* வெந்தயம் – 1 டீஸ்பூன்
* சீரகம் – 1 டீஸ்பூன்
* பெருங்காயத் தூள் – 1/2 டீஸ்பூன்[penci_related_posts dis_pview=”no” dis_pdate=”no” title=”” background=”” border=”” thumbright=”no” number=”4″ style=”list” align=”none” withids=”” displayby=”recent_posts” orderby=”rand”]
செய்முறை:
* முதலில் ஒரு வாணலியை அடுப்பில் வைத்து, அதில் 1 டீஸ்பூன் எண்ணெய் ஊற்றி சூடானதும், வறுத்து அரைப்பதற்கு கொடுத்துள்ள பொருட்களை ஒவ்வொன்றாக சேர்த்து பொன்னிறமாக வறுத்து இறக்கி குளிர வைத்து, மிக்சர் ஜாரில் போட்டு, சிறிது நீர் ஊற்றி பேஸ்ட் போல் அரைத்துக் கொள்ள வேண்டும்.
* பின்னர் அதே வாணலியை அடுப்பில் வைத்து, அதில் 1/4 கப் எண்ணெய் ஊற்றி சூடானதும், வெங்காய வடகம் சேர்த்து வறுத்து, அதை தனியாக ஒரு தட்டில் எடுத்து வைத்துக் கொள்ளவும்.
* பின்பு அதே எண்ணெயில் சின்ன வெங்காயத்தைப் போட்டு ஒரு நிமிடம் வதக்கி, பின் அரைத்த மசாலாவை சேர்த்து ஒரு நிமிடம் வேக வைக்க வேண்டும்.
* பிறகு அதில் புளிச்சாறு மற்றும் சிறிது நீர் ஊற்றி நன்கு கிளறி, சுவைக்கேற்ப உப்பு மற்றும் சர்க்கரை சேர்த்து நன்கு கிளறி கொதிக்க வைக்க வேண்டும்.
* குழம்பு கொதிக்க ஆரம்பித்ததும், அதில் வறுத்த வெங்காய வடகத்தை சேர்த்து கிளறி, மூடி வைத்து 20-25 நிமிடம் எண்ணெய் பிரியும் வரை கொதிக்க வைத்து இறக்கினால், சுவையான சின்ன வெங்காய குழம்பு தயார்.
