மீன் குழம்பு செய்து அலுத்து போனவர்கள் சற்று வித்தியாசமாக மீன் குருமா செய்து சாப்பிடலாம். இதை எப்படி செய்வது என்று பார்க்கலாம்.
சூப்பரான மீன் குருமா செய்வது எப்படி
தேவையான பொருட்கள் :
(வாழை மீன் அல்லது நெத்திலி மீன் மட்டும்)
வாழை மீன் – 3
பொட்டுக் கடலை – 2 டீஸ்பூன்
தேங்காய் – அரை மூடி
பச்சை மிளகாய் – 20 (நீளமாக நறுக்கவும்)
வெங்காயம் – 2 (பொடியாக நறுக்கவும்)
நாட்டுத் தக்காளி – 4 (பொடியாக நறுக்கவும்)
இஞ்சி, பூண்டு விழுது – 2 டீஸ்பூன்
மஞ்சள் தூள் – கால் டீஸ்பூன்
சோம்பு – 1 டீஸ்பூன்
புளிப்பு மாங்காய் – 1
கொத்தமல்லி – ஒரு கையளவு
செய்முறை :
* வாழைமீனை (கழுவி) துண்டு, துண்டாக நறுக்கவும்.
* தேங்காய் சோம்பு, பொட்டு கடலையை மிக்சியில் போட்டு நைசாக அரைத்து கொள்ளவும்.
* மாங்காயை பெரிய துண்டுகளாக வெட்டி கொள்ளவும்.
* கடாயில் எண்ணெய் சூடானதும் விட்டு சோம்பு போட்டு தாளித்த பின் வெங்காயம், பச்சை மிளகாய் போட்டு நன்றாக வதக்கவும்.
* வெங்காயம் நன்றாக வதங்கியதும் இஞ்சி, பூண்டு விழுது சேர்த்து வதக்கி பச்சை வாசனை போனவுடன் தக்காளியை சேர்த்து வதக்கவும்.
* அடுத்து அதில் மஞ்சள் தூளை சேர்த்து அரைத்த தேங்காய் கலவை, சிறிது தண்ணீர் சேர்த்து ஒரு கொதி வந்த பிறகு மீன், மாங்காய் போட்டு நன்றாக கொதி வந்து மீன் வெந்ததும் கடைசியாக கொத்தமல்லி தழை தூவி இறக்கவும்.
* சுவையான மீன் குருமா ரெடி.
