மொச்சையில் பொரியல் செய்து சாப்பிட்டால் சூப்பராக இருக்கும். இப்போது மொச்சை பொரியல் செய்வது எப்படி என்று விரிவாக கீழே பார்க்கலாம்.
மொச்சை பொரியல் செய்வது எப்படி
தேவையான பொருட்கள் :
மொச்சை – 3 கைப்பிடி
சின்ன வெங்காயம் – 50 கிராம்
தக்காளி – 1
பூண்டு – 3 பற்கள்
மிளகாய்த் தூள் – 1 டீஸ்பூன்
மஞ்சள் தூள் – 1/4 டீஸ்பூன்
உப்பு – தேவையான அளவு
கொத்தமல்லி – சிறிதளவு
தாளிக்க :
நல்லெண்ணெய் – 1 டீஸ்பூன்
சீரகம்
பெருஞ்சீரகம்
பெருங்காயம்
கறிவேப்பிலை
செய்முறை :
* வெங்காயம், கொத்தமல்லி, தக்காளியை பொடியாக நறுக்கி கொள்ளவும்.
* பூண்டை தட்டி வைக்கவும்.
* மொச்சையை முதல் நாளே ஊற வைத்து காலையில் சிறிது உப்பு போட்டு வேக வைத்து நீரை வடித்து விடவும்.
* ஒரு கடாயில் எண்ணெய் ஊற்றி சூடானதும் தாளிக்க கொடுக்கப்பட்டுள்ள பொருட்களை போட்டு தாளித்த பின் தட்டி வைத்த பூண்டை போட்டு வதக்கவும்.
* பூண்டை போட்டு வதக்கிய பின்னர் வெங்காயத்தை போட்டு வதக்கவும்.
* அடுத்து தக்காளியை போட்டு வதக்கவும்.
* தக்காளி நன்றாக வதங்கிய பின்னர் மொச்சையை சேர்த்து வதக்கி மிளகாய்த் தூள், மஞ்சள் தூள், உப்பு சேர்த்துக் கிளறி சிறிது தண்ணீர் தெளித்து மிதமானத் தீயில் சிறிது நேரம் மூடி வைக்கவும்.
* கடைசியாக கொத்தமல்லி தழை தூவி கிளறி இறக்கவும்.
* மொச்சை பொரியல் ரெடி.
* இது எல்லா வகையான சாதத்திற்கும் பொருத்தமாக இருக்கும்.
