சிவப்பு அரிசி – தக்காளி தோசை

தேவையான பொருட்கள்:

சிவப்பு அரிசி – ஒரு கப்,
உளுந்து – கால் கப்,
வெந்தயம் – கால் டீஸ்பூன்,
தக்காளி – 2
ப.மிளகாய் – 2
கொத்தமல்லி – சிறிதளவு
எண்ணெய், உப்பு – தேவையான அளவு.

செய்முறை:

* தக்காளி நன்றாக அரைத்து கொள்ளவும்.

* ப.மிளகாய், கொத்தமல்லியை பொடியாக நறுக்கி கொள்ளவும்.

* சிவப்பு அரிசியை தனியாகவும், உளுந்து – வெந்தயத்தை தனியாகவும் 4 மணி நேரம் ஊறவிடவும். பிறகு அவற்றை சேர்த்து மாவாக அரைத்து, உப்பு, தக்காளி கலவை, ப,மிளகாய், கொத்தமல்லி போட்டுக் கலக்கவும்.

* பிறகு இந்த மாவை 4 மணி நேரம் புளிக்கவிடவும். தோசைக்கல்லை சூடாக்கி, மாவை தோசைகளாக வார்த்து, சுற்றிலும் எண்ணெய் விட்டு சுட்டு எடுக்கவும்.

* இதை சட்னியுடன் பரிமாறவும்.