வடை மோர் குழம்பு செய்வது மிகவும் சுலபம். சூப்பராகவும் இருக்கும். இன்று வடை மோர் குழம்பு செய்வது எப்படி என்று பார்க்கலாம்.
சூப்பரான வடை மோர் குழம்பு
தேவையான பொருட்கள் :
மெதுவடை அல்லது பருப்பு வடை – 10
தயிர் – 2 கப்
மஞ்சள் தூள் – அரை ஸ்பூன்
பெருங்காயத்தூள் – கால் ஸ்பூன்
உப்பு – தேவையான அளவு
ஊறவைத்து நைசாக அரைக்க :
அரிசி – 1 ஸ்பூன்
துவரம் பருப்பு – 1 ஸ்பூன்
பச்சை மிளகாய் – 3
சீரகம் – 1ஸ்பூன்
கொரகொரப்பாக அரைக்க :
வெங்காயம் – 1
தக்காளி – 1
பூண்டு – 5 பல்
இஞ்சி – சிறிது துண்டு
தாளிக்க :
எண்ணெய் – 2 ஸ்பூன்
கடுகு – கால் ஸ்பூன்
காய்ந்த மிளகாய் – 2
செய்முறை :
* அரிசி, துவரம் பருப்பை 30 நிமிடம் ஊறவைத்து கொள்ளவும்.
* தக்காளி, வெங்காயம், இஞ்சியை கொரகொரப்பாக அரைத்து கொள்ளவும்.
* ஊறவைத்த அரிசி, துவரம் பருப்புடன், சீரகம், ப.மிளகாய் சேர்த்து மைய அரைத்து கொள்ளவும்.
* ஒரு பாத்திரத்தில் தயிர், மஞ்சள் தூள், பெருங்காயத்தூள், 2 கப் தண்ணீர், அரைத்த அரிசி விழுது, உப்பு சேர்த்து நன்றாக கட்டியில்லாமல் கலந்து கொள்ளவும்.
* கடாயில் எண்ணெய் ஊற்றி சூடானதும் தாளிக்க கொடுக்கப்பட்டுள்ள பொருட்களை போட்டு தாளித்த பின் கொரகொரப்பாக அரைத்த விழுதை போட்டு அடுப்பை மிதமான தீயில் வைத்து நன்றாக வதக்கவும்.
* வெங்காயம் நன்றாக வதங்கியதும் அதில் கரைத்து வைத்துள்ள தயிர் கலவையை ஊற்றி கொதிக்க விடவும்.
* கொதிக்க ஆரம்பித்தவுடன் அதில் வடைகளை போடவும். வடைகளை போட்டவுடன் அடுப்பை அணைத்து விடவும்.
* கடைசியாக கறிவேப்பிலை, கொத்தமல்லி தூவி இறக்கி பரிமாறவும்.
* சூப்பரான வடை மோர் குழம்பு ரெடி.
