கோதுமை மாவில் பரோட்டா செய்தால் சூப்பராக இருக்கும். இன்று எளிய முறையில் முட்டை சேர்த்து பரோட்டா செய்வது எப்படி என்று பார்க்கலாம்.
முட்டை பரோட்டா செய்வது எப்படி
தேவையான பொருட்கள் :
கோதுமை மாவு -1/2 கப்
வெண்ணெய் – தேவையான அளவு
மிளகு – ஒரு சிட்டிகை
உப்பு – சுவைக்கேற்ப
தண்ணீர் – தேவையான அளவு
முட்டை – 2
பச்சைமிளகாய் – 1
மஞ்சள்தூள் – தேவையான அளவு
கொத்தமல்லி இலை – சிறிதளவு
செய்முறை :
* ஒரு பாத்திரத்தில் கோதுமை மாவு, சிறிதளவு தண்ணீர், எண்ணெய் விட்டு நன்கு மாவை பிசைந்து 20 நிமிடங்கள் ஊற வைக்க வேண்டும்.
* ப.மிளகாயை பொடியாக நறுக்கி கொள்ளவும்.
* ஒரு கிண்ணத்தில் முட்டையை உடைத்து ஊற்றி அதனுடன் உப்பு, மிளகுத்தூள், மஞ்சள்தூள் சேர்த்து நன்கு கலந்து கொள்ளவும்.
* மாவை பூரிக்கட்டையால் சப்பாத்தி போல் அகலமாக தேய்த்துக் கொள்ள வேண்டும்.
* தோசைக்கல்லை அடுப்பில் வைத்து கல் சூடானதும் தேய்த்து வைத்த மாவை இட்டு அதன் மேலாக முட்டை கலவையை மாவு முழுவதும் படும்படி பரப்பி ஊற்றி சுற்றி வெண்ணெய் தடவி வெந்ததும் திருப்பி போட்டு பொன்னிறமாக இருபுறமும் வேக வைத்து எடுக்கவும்.
* சூப்பரான முட்டை பரோட்டா ரெடி!
