டயட்டில் இருப்பவர்கள், சர்க்கரை நோயாளிகள், வயதானவர்களுக்கு இந்த சிவப்பரிசி – அவல் கொழுக்கட்டை மிகவும் நல்லது. இன்று இந்த கொழுக்கட்டையின் செய்முறையை பார்க்கலாம்.
சத்து நிறைந்த சிவப்பரிசி உப்புமா கொழுக்கட்டை
தேவையான பொருட்கள் :
சிவப்பரிசி – ஒரு கப்,
துவரம்பருப்பு – அரை கப்,
சிவப்பு அவல் – கால் கப்,
தேங்காய்த் துருவல் – கால் கப்,
காய்ந்த மிளகாய் – 6,
பெருங்காயத்தூள் – சிறிதளவு,
எண்ணெய், – சிறிதளவு,
உப்பு – தேவைக்கேற்ப.
செய்முறை :
* சிவப்பரிசி, துவரம்பருப்பு, சிவப்பு அவல், காய்ந்த மிளகாயை நீரில் 3 மணி நேரம் ஊறவைத்து… அடைபதத்தில் கொரகொரப்பாக அரைக்கவும் (பாதி அரைபடும் போது தேங்காய் துருவல், உப்பு, பெருங்காயத்தூள் சேர்க்கவும்).
* வாணலியில் சிறிது எண்ணெய் ஊற்றி காய்ந்ததும், அரைத்த மாவைப் போட்டு கைவிடாமல் கிளறவும்.
* நன்றாக வெந்த பிறகு இறக்கவும்.
* பிறகு, மாவை கொழுக்கட்டை போல பிடித்து, இட்லித்தட்டில் வைத்து 10 நிமிடம் ஆவியில் வேகவிட்டு எடுக்கவும்.
* சத்து நிறைந்த சிவப்பரிசி – அவல் கொழுக்கட்டை ரெடி.
