வாழைத்தண்டு, முளைகட்டிய பச்சைப் பயறு சேர்த்து செய்யும் இந்த சாலட்டை காலை அல்லது மாலை வேளையில் சாப்பிட உகந்தது. இன்று இந்த சாலட் செய்முறையை பார்க்கலாம்.
வாழைத்தண்டு – முளைகட்டிய பச்சைப் பயறு சாலட்
தேவையான பொருட்கள் :
வாழைத்தண்டு – 50 கிராம்
முளைகட்டிய பச்சைப் பயறு – 2 டீஸ்பூன்
தேங்காய்த் துருவல் – 3 டீஸ்பூன்
எலுமிச்சைச் சாறு – ஒரு டீஸ்பூன்
சீரகத்தூள் – ஒரு சிட்டிகை
மிளகு தூள் – தேவைக்கு
கொத்தமல்லித்தழை – அரை டீஸ்பூன்
உப்பு – தேவையான அளவு
செய்முறை :
* வாழைத்தண்டை பொடியாக நறுக்கி நாரை எடுத்து விட்டு வேக வைத்து கொள்ளவும்.
* முளைகட்டிய பச்சைப் பயறை வேக வைத்து கொள்ளவும்.
* கொத்தமல்லியை பொடியாக நறுக்கி கொள்ளவும்.
* ஒரு பாத்திரத்தில் கொடுக்கப்பட்டுள்ள அனைத்துப் பொருட்களையும் சேர்த்து நன்றாகக் கிளறி பரிமாறவும்.
* சத்து நிறைந்த வாழைத்தண்டு – முளைகட்டிய பச்சைப் பயறு சாலட் ரெடி.
