உங்க காதலரை/ காதலியை எப்படி உங்கள் வசம் வைத்துக் கொள்வது என தெரியுமா?
காதல் நிலைத்திருக்க இன்னும் இன்னும் அன்பு செய்ய வைப்பது உங்கள் மீதான நம்பிக்கை தான். உங்களது உறவில் உங்கள் இணைக்கு எவ்வளவு உண்மையாக இருக்கிறீர்கள் என்பதை பொறுத்து தான் உங்களுக்குள் காதல் நீடிக்கும். நானும் உண்மையாத்தான் இருக்கேன் நிறைய லவ் பண்றேன் நம்பிக்கை வரணும்னா.. நோ ஐடியா. எதவச்சு என் பாட்னர் என்கிட்ட உண்மையா இருக்கான்னு கண்டுபிடிக்கிறது என்று சிந்திக்கும் சிந்தைனையாளர்களுக்காக சில யோசனைகள்.
எல்லாரும் தவறு செய்கிறோம், ஆனால் அந்த எல்லாருமே தன் தவறை ஒப்புக் கொள்வதில்லை. நீங்கள் செய்யும் தவறை விட அதை மறைக்க நினைப்பது தான் மிகப்பெரிய தவறு. தவறை ஒப்புக் கொள்ளுங்கள். தவறை உணர்ந்து கொண்டு இனியும் இப்படி நடக்காமல் பார்த்துக் கொள்வேன் என்கிற நம்பிக்கையை உங்கள் இணைக்கு கொடுங்கள்.
இணையின் மனதில் அதிக ஆசையை வளர்க்க வேண்டாம்.உங்களால் முடிந்ததை சொல்லுங்கள் அதை நிறைவேற்றுங்கள். உங்களால் அதை நிறைவேற்ற முடியாமல் போனால் அதற்காக எத்தனை முயற்சி செய்தீர்கள் என்று உங்களது பிரயத்தனங்களை சொல்லுங்கள். ஆனால் அடிக்கடி பிரயத்தனங்களை சொன்னால் இருவருக்குமிடையே சண்டையின் போது ஹாட் டாப்பிக் இது தான்.