உடல் பருமன் பிரச்சினையை முன் கூட்டியே கண்டறிந்து முன்னெச்சரிக்கை நடவடிக்கைகள் மேற்கொள்வது கடுமையான நோய் அபாயத்தை குறைக்கும். சிறு வயதிலேயே அதிக உடல் எடையுடன் இருப்பதற்கு அதிக கலோரிகளை உட்கொள்வது, போதுமான உடற்பயிற்சிகளில் ஈடுபடாதது முக்கிய காரணங்களாகும். உணவுப் பழக்கத்தில் முக்கியமான மாற்றங்களை செய்வதன் மூலம் உடல் எடையை கட்டுக்குள் வைத்துக்கொள்ளலாம்.
இயல்பை விட அதிக உடல் எடை கொண்டிருக்கும் குழந்தைகள், நீரிழிவு மற்றும் இதயம் சார்ந்த உடல்நல பிரச்சினைகளை எதிர்கொள்வதற்கு வாய்ப்பு அதிகம் இருக்கிறது. உடல் பருமன் கொண்ட குழந்தைகள் சக குழந்தைகளுடன் விளையாடுவதற்கோ, பிற உடல் இயக்க செயல்பாடுகளில் ஈடுபடுவதற்கோ சிரமப்படுவார்கள்.
காலை (எழுந்ததும்):
பாதாம் பருப்பு-5, வால்நெட்-2, இரவில் ஊறவைத்த உலர் அத்திப்பழம் – 1 சாப்பிடலாம்.
காலை உணவு:
உப்புமா, தோசை அல்லது இட்லியுடன் இரண்டு வேகவைத்த முட்டைகள் சாப்பிடலாம். 100 கிராம் பன்னீரும் சாப்பிட வேண்டும்.
மதிய உணவு:
சப்பாத்தியுடன் பருப்பு, காய்கறி கலந்த குருமா தயாரித்து சாப்பிடலாம். சிறிதளவு கோழி இறைச்சியையும் சேர்த்துக்கொள்ளலாம். 100 கிராம் பன்னீரும் உட்கொள்ளலாம்.
மதிய உணவுக்கு பின்:
சாப்பிட்ட அரை மணி நேரம் கழித்து எலுமிச்சை ஜூஸ் பருகலாம்.
மாலை:
மக்காச்சோளத்தை வேகவைத்து சாப்பிடலாம். மசாலா பூரியும் ருசிக்கலாம். சென்னா மசாலாவும் சாப்பிடலாம். எலுமிச்சை, புதினா கலந்த ஜூஸ் தயாரித்தும் பருகலாம்.
இரவு உணவு:
காய்கறிகள் சேர்க்கப்பட்ட புலாவ் தயாரித்து சாப்பிடலாம். காய்கறிகளை வறுத்து சாலட்டாகவும் ருசிக்கலாம். அரிசி சாதத்தில் காராமணி குழம்பு ஊற்றி ருசிக்கலாம்.
தூங்கச் செல்வதற்கு முன்பு:
150 மி.லி. பாலில் ஏலக்காய், குங்குமப்பூ கலந்து பருகலாம்.
Courtesy: MalaiMalar
