வரகு நார்ச்சத்து அரிசி,கோதுமையை விட அதிகம்.வரகில் மாவுச்சத்தும் குறைவாக காணப்படுவதால், இது உடல் ஆரோக்கியத்திற்கு உகந்ததாகக் கருதப்படுகிறது.
மாதவிடாய் கோளாறு கொண்ட பெண்கள் வரகைச் சமைத்துச் சாப்பிடுவது நல்லது. இதனை அரிசிக்கு மாற்றாக உபயோகப்படுத்தலாம்.
தேவையான பொருள்கள்:
வரகு அரிசி – 1 கப்
பயத்தம் பருப்பு – அரை கப்
உப்பு – தேவையான அளவு
நெய் – 50 கிராம்
எண்ணெய்- 1 ஸ்பூன்
முந்திரி – 8
சீரகம் – கால் டீஸ்பூன்
மிளகு -1 ஸ்பூன்
கறிவேப்பிலை – சிறிதளவு
பெருங்காயம் – சிறிதளவு
பச்சை மிளகாய் – 2
செய்முறை:
வரகு அரிசி, பயத்தம் பருப்பு இரண்டையும் கழுவி தண்ணீர் சேர்த்து குக்கரில் 2 விசில் வரும் வரை வைக்கவும். பிறகு அடுப்பை சிம்மில் 10 நிமிடம் வைத்து இறக்கவும்.
பின்பு கடாயில் நெய்யும் எண்ணெயும் சேர்த்து சூடாக்கி, மிளகு சீரகம் , முந்திரி, கறிவேப்பிலை, பெருங்காயம், பச்சை மிளகாய் போட்டு தாளித்து பொங்கலை சேர்த்து நன்றாக மசித்து உப்பு சேர்த்து கிளறவும்.
சாம்பார் தேங்காய் சட்னியுடன் பரிமாறவும்.
