தேங்காய்ப்பால் புளியோதரை

என்னென்ன தேவை?

பச்சரிசி சாதம் – 1 கப்,
புளித் தண்ணீர் – 1/2 கப்,
தேங்காய்ப்பால் – 1/2 கப்,
மஞ்சள் தூள் – 1/2 டீஸ்பூன்,
உப்பு – தேவையான அளவு.

தாளிக்க…

நல்லெண்ணெய் – 2 டேபிள்ஸ்பூன்,
கடுகு – 1/2 டீஸ்பூன்,
உளுத்தம் பருப்பு – 1 டீஸ்பூன்,
கடலைப் பருப்பு – 1 டீஸ்பூன்,
பெருங்காயம் – 1/2 டீஸ்பூன்,
சிவப்பு மிளகாய் – 10,
கறிவேப்பில்லை – ஒரு கொத்து.
எப்படிச் செய்வது?

ஒரு கடாயில் எண்ணெய் காயவைத்து கடுகு, உளுத்தம்பருப்பு, கடலைப்பருப்பு, சிவப்பு மிளகாய், கறிவேப்பில்லை மற்றும் பெருங்காயம் சேர்த்து பொன்னிறமாக வறுத்து, புளித் தண்ணீர், தேங்காய்ப்பால் ஊற்றி மஞ்சள் தூள் மற்றும் உப்பு சேர்த்து 8 நிமிடங்கள் வரை நன்கு கொதிக்கவிடவும். கெட்டியான பின் சாதம் சேர்த்து நன்கு கலக்கவும். அரை மணி நேரம் ஊறிய பின் பரிமாறவும். வறுவலோடு சேர்த்து சாப்பிடலாம்.