டயட்டில் இருப்பர்கள், சர்க்கரை நோயாளிகளுக்கு மற்றும் அனைவருக்கும் உகந்த சத்தான சுவையான பனிவரகு கஞ்சியை செய்வது எப்படி என்று கீழே பார்க்கலாம்.
சத்தான சுவையான பனிவரகு கஞ்சி
தேவையான பொருட்கள் :
பனிவரகு – ஒரு கப்,
கேரட் – 3 டேபிள்ஸ்பூன்
மிளகு – ஒரு டீஸ்பூன்
பல்லாக நறுக்கிய தேங்காய் – 2 டேபிள்ஸ்பூன்,
எண்ணெய் – சிறிது,
உப்பு – தேவைக்கேற்ப.
தாளிக்க :
கடுகு, சீரகம் – தலா அரை டீஸ்பூன்,
பூண்டுப் பல் – 2,
பச்சை மிளகாய் – ஒன்று (கீறியது),
பெருங்காயத்தூள் – ஒரு டீஸ்பூன்,
கறிவேப்பிலை – சிறிது (நசுக்கியது),
செய்முறை :
* கேரட்டை பொடியாக நறுக்கி கொள்ளவும்.
* மிளகை ஒன்றிரண்டாக உடைத்தது கொள்ளவும்.
* பனிவரகு அரிசியை 2 மணி நேரம் ஊறவைக்கவும்.
* குக்கரில் எண்ணெய் சேர்த்துக் சூடானதும் தாளிக்கும் பொருட்களைச் சேர்த்து தாளித்து, கேரட் சேர்த்து வதக்கி, தேவையான தண்ணீர், உப்பு சேர்க்கவும்.
* கொதி வந்ததும் பனிவரகு அரிசியை சேர்த்து, 3 விசில் வரும்வரை வேகவிட்டு இறக்கி, மிளகுத்தூள் தூவி, தேங்காய்ப் பல் சேர்த்து அலங்கரித்து சுட்ட அப்பளத்துடன் பரிமாறவும்.
* சத்தான சுவையான பனிவரகு கஞ்சி ரெடி.
