விடுமுறை நாட்களில் குழந்தைகளுக்கு மாலையில் வித்தியாசமாக ஏதேனும் ஸ்நாக்ஸ் செய்து கொடுக்க நினைத்தால், பன்னீர் பிரட் பால்ஸ் செய்து கொடுக்கலாம்.
மாலை நேர ஸ்நாக்ஸ் பன்னீர் உருளைக்கிழங்கு பால்ஸ்
தேவையான பொருட்கள்:
பன்னீர் – 1 கப்
பிரட் – 3 துண்டுகள்
உருளைக்கிழங்கு – 1/2
வெங்காயம் – 1
கொத்தமல்லி – சிறிதளவு
தக்காளி சாஸ் – 1 டேபிள் ஸ்பூன்
ரவை – 1/2 டேபிள் ஸ்பூன்
மஞ்சள் தூள் – 1/2 டீஸ்பூன்
மிளகாய் தூள் – 1 டீஸ்பூன்
உப்பு – தேவையான அளவு
எண்ணெய் – தேவையான அளவு
செய்முறை :
* பன்னீரை துருவி கொள்ளவும்.
* வெங்காயம், கொத்தமல்லியை பொடியாக நறுக்கி கொள்ளவும்.
* உருளைக்கிழங்கை வேக வைத்து, தோலுரித்து பன்னீருடன் சேர்த்து, தேவையான அளவு உப்பு தூவி, நன்கு பிசைந்து தனியாக வைத்துக் கொள்ள வேண்டும்.
* பின்பு பிரட் துண்டுகளின் முனைகளை நீக்கிவிட்டு, அதனை நீரில் ஒருமுறை நனைத்து தண்ணீரை நன்றாக பிழிந்து விட்டு, பன்னீருடன் சேர்த்து பிசையவும்.
* அடுத்து அதில் வெங்காயம், கொத்தமல்லி, மஞ்சள் தூள், மிளகாய் தூள், ரவை, தக்காளி சாஸ் அனைத்து பொருட்களையும் ஒன்றாக சேர்த்து நன்கு மென்மையாகும் வரை பிசைந்து உருண்டைகளாக பிடித்து தனியாக வைத்துக் கொள்ள வேண்டும்.
* இறுதியில் ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி காய்ந்ததும், உருட்டி வைத்துள்ள உருண்டைகளைப் போட்டு பொன்னிறமாக பொரித்து எடுத்து பரிமாறவும்.
* சுவையான பன்னீர் பிரட் பால்ஸ் ரெடி!!!
