உடல் எடையை குறைக்க உதவும் கினுவா வெஜிடபிள் சாலட்! இதை முயன்று பாருங்கள்

தேவையான பொருட்கள் :

கினுவா – கால் கப்

வெங்காயம், வெள்ளரிக்காய், குடைமிளகாய் – தலா ஒன்று
ப்ராக்கோலி – பாதியளவு
கெட்டியான தக்காளி – 2
ஆலிவ் ஆயில் – 2 டேபிள்ஸ்பூன்
பூண்டு – 2 பல்
எலுமிச்சைச் சாறு – 2 டேபிள்ஸ்பூன்
மிளகுத்தூள் – ஒரு டீஸ்பூன்
வறுத்த பாதாம்பருப்பு – 10
கொத்தமல்லித்தழை – சிறிதளவு
உப்பு – தேவைக்கேற்ப[penci_related_posts dis_pview=”no” dis_pdate=”no” title=”” background=”” border=”” thumbright=”no” number=”4″ style=”list” align=”none” withids=”” displayby=”recent_posts” orderby=”rand”]

செய்முறை:

கொத்தமல்லியை பொடியாக நறுக்கி கொள்ளவும்.

பாதாமை நீளவாக்கில் நறுக்கி கொள்ளவும்.

கினுவா நன்றாகக் கழுவி, தண்ணீரில் சிறிது நேரம் ஊறவைக்கவும். பிறகு, அதைக் கொதிக்கும் தண்ணீரில் போட்டு குழையாமல் உதிரியாக வேகவைத்து தண்ணீரை வடித்து ஆற வைக்கவும்.

குடைமிளகாய்களை விதை நீக்கி நான்கு துண்டுகளாக, பெரியதாக நறுக்கிக்கொள்ளவும்.

வெங்காயம், வெள்ளரிக்காய், தக்காளி ஆகியவற்றை சிறிய துண்டுகளாக நறுக்கவும்.

ப்ராக்கோலியை பெரிய பூக்களாக வெட்டிக்கொள்ளவும்.

ஒரு கடாயில் ஆலிவ் ஆயில் ஊற்றி நறுக்கிய குடைமிளகாய், பூண்டு, ப்ராக்கோலியை போட்டு லேசாக, நிறம் மாறாமல் வதக்கவும்.

பிறகு, வதக்கிய கடைமிளகாய், பூண்டு ஆகியவற்றைப் பொடியாக நறுக்கிக்கொள்ளவும். ப்ராக்கோலியை நறுக்கத் தேவையில்லை.

வேகவைத்த கினுவாவை போட்டு அதனுடன் வேக வைத்த காய்கறிகள், உப்பு, மிளகுத்தூள், எலுமிச்சைச் சாறு, கொத்தமல்லித்தழை எல்லாவற்றை சேர்த்து நன்றாக கலந்து அதன்மேல் வறுத்து நீளமாக நறுக்கிய பாதாம்பருப்பைத் தூவி அலங்கரித்துப் பரிமாறவும்.

சூப்பரான சத்தான கினுவா வெஜிடபிள் சாலட் ரெடி.

Courtesy: MalaiMalar